Horni - 781 Höfn í Hornafirði+354 8684042omin@mail.holar.is
  • de
  • en
  • is

Horn_Forsíðumynd_2

Horn í Hornafirði er með landmestu og kostamestu jörðum Íslands, um 7000 hektarar að stærð. Náttúrufegurð er einstök og fjöldi ferðamanna leggur leið sína að Horni á hverju sumri til að njóta þessarar náttúruperlu. Jörðin liggur að sjó og innan landamerkja hennar er stór fjörður, Skarðsfjörður. Þar er mikil silungsveiði og fjölskrúðugt fuglalíf.

Horn er kjörin uppeldisstöð fyrir hross. Þar skiptast á grónir sandar, grösugt vallendi, mýrar, grýttar skriður, klappir og hrikaleg fjöll. Fjölbreytt landslag og víðátta, ásamt kjarnmikilli fjörubeit tryggir að trippi sem alast þar upp fá mikla hreyfingu og öll nauðsynleg næringar- og bætiefni. Hrossin á Horni eru því fim og sterk með góða hófa þegar kemur að tamningu.

Eigendur og ábúendur á Horni eru hjónin Ómar Antonsson, hrossa- og hlunnindabóndi, og Kristín Gísladóttir bankastarfsmaður. Sonur þeirra Ómar Ingi Ómarsson býr einnig á Horni. Hann er tamningamaður og reiðkennari frá Hólaskóla og sér um tamningu og þjálfun hrossanna. Sjá viðtal við Ómar Inga HÉR.

Menu

Provided by water damage columbus